Chanson médiévale de pèlerins, pays inconnu. Tiré du Codex Calixtinus (XIIe siècle).

1.
Dum pater familias,
Rex universorum,
Donaret provincias
Ius apostolorum,
Iacobus Yspanias
Lux illustrat morum.
  
(Ref. 1)
Primus ex apostolis
Martir Ierosolimis,
Iacobus egregio
Sacer est martirio.

2.
Iacobe Gallecia
Opem rogat piam,
Glebae cuius gloria
Dat insignem viam,
Ut precum frequentia
Cantet melodiam.
  
(Ref. 2)
Herru Santiagu,
Got Santiagu,
E ultreia
Esus eia
Deus aia nos (/ adjuva nos).

3.
Iacobo dat parium
Omnis mundus gratis,
Ob cuius remedium
Miles pietatis
Cunctorum presidium
Est ad vota satis.
(Ref. 1) // (Ref. 2)
  
4.
Iacobum miraculis
Que fiunt per illum.
Arctis in periculis
Acclamet ad illum,
Quisquis solvi vinculis
Sperat propter illum.
(Ref. 1) // (Ref. 2)


5.
O beate Iacobe,
Virtus nostra vere,
Nobis hostes remove
Tuos ac tuere
Ac devotos adhibe
Nos tibi placere.  
(Ref. 1) // (Ref. 2)

6.
Iacobo propicio
Veniam speremus
Et, quas ex obsequio
Merito debemus
Patri tam eximio
Dignas laudes demus.
Amen. // (Ref. 1) // (Ref. 2)