174. Ils ont menti, ces faux traîtres menteurs

Chanson médiévale, France. Tirée du Manuscrit de Bayeux (XVe siècle).

1a.
Ils ont menty, ces faux traictres menteurs,
Qui ont esté desloyaux inventeurs
De controuver que j'ay de vous mesdit.

1b.
A leur parler, n'ayez foy né credit,
Car ce ne sont que faictereaulx, menteurs
Et flatteurs.

2a.
Ils ont esté eulx-mesme les facteurs
Des parolles dont ils sont rapporteurs
Et puis disent que c'est moy qui l'ay dict.

(Répéter 1a.)

3a.
Ne croyez pas ces mauldicts cacqueteurs,
Qui vont disant qu'ils sont vos serviteurs,
Il n'en est rien ; je soye de Dieu mauldict,

3b.
S'ils oseroient m'en avoir contredict,
Et fussent ils cent fois plus grans vanteurs
Et flatteurs.

(Répéter 1a.)

(Structure: A - B - A - A - A - B - A)