153. Je Vivroie Liement

Virelai, France. Par Guillaume de Machaut (XIVe siècle).

(Ref.)
Je vivroie liement,
Douce creature,
Sé vous saviés vraiement,
Qu'en vous fût parfaitement, ma
Cure.

1.
Dame de meinteing joli,
Plaisant, nette et pure,
Souvent me fait dire: aymi
Li maux que j'endure,

Pour vous servir loyaument,
Et soiés séûre,
Que je ne puis nullement
Vivre ainsi, sé longuement, me
Dure.

(Ref.)

2.
Car vous m'estes sans merci
Et sans pitié dure,
Et s'avés le coeur de mi
Mis en tel ardure,

Qu'il mourra certainnement
De mort trop obscure,
Sé pour son alligement
Merci n'est procheinnement
Mûre.

(Ref.)